DAY 2 日本 名古屋 名古屋巿內遊!


一起身首先就係hotel 食個早餐先,酒店早餐1200 yen ,有自助沙律bar加埋三個主食中揀一個 (烤魚+蜆湯,奄列,天婦羅)。味道唔差,可以一試。

去日本其中一個重點就係去唔同地方睇古城,每個古城都係一個故事,仲有古代的建築係現代已經揾唔返,所以食完早餐就去咗名古屋城。


一去到名古屋城,已經感覺到空氣好清新,好空曠,好舒服。雖然人多,但唔會好似香港禁迫。一過咗買票位就即刻見到個忍者😂😂,好用心扮演忍者角色! 唔係著住件忍者套裝跟住say hi,佢真係有攞pose,仲要唔係hea 嗰隻😂😂。

去到名古屋城--天守閣,行到禁近睇我覺得真係好宏偉,同埋覺得古代人好有心機去設計。上到最高可以望到成個名古屋巿以及名古屋城四周。每一層都放咗唔少歷史物品,戰爭用的兵器,古代的居住房間,膳食等等。

之後去埋隔離本丸御殿,係古代將軍入京住的宿舍。裡面攞設不多,但裡面每一扇門都有好靚的畫。可以得出古代人好有心機去畫。

本身以為去到名古屋城都可以睇到櫻花,可惜太遲了,得返幾棵,其他全綠😑😑,唯有下年早D嚟啦。

之後搭地下鐵去到大須觀音站,主要去睇大須觀音寺廟。去日本其中一個重要景點就係去寺廟了。


作為接近700年歷史的寺廟,內裡的裝修可以睇得出有歷史風味。好奇係一行到入去問附近,有位比巿民上香,巿民不停張煙揮向自己,究竟係想做乜?上網查先知日本人認為將香爐上香煙撥向自己,可消霉運。不過鼻敏感嚴重的我,都係唔好試啦!

入到寺廟當然就係祈願,雖然人唔算好多,但係一路都有人入去祈願。裡面都有御守賣,要一千yen 一個。都有得抽籤 (求籤) 二百yen 一次。

寺廟隔離就係商店街,呢條街好多嘢賣。一入去有好幾間賣食物,雞翼,台式飲品等 (去禁耐都只係見過一間台式飲品),之後有不同種類的貨品賣,藥妝,時裝,電子物品等等。條街真係好長,條路仲好闊。最重要係無垃圾!!!同香港旺角條街比真係……

行完大須商店街,又肚餓啦!!!!!!!!

是但入一間食,點知揀中咗都出名的六三六拉麵。老實說店鋪外表完全唔似其他有名氣的食店,似一般小店。但係呢間係好食嫁!!!

我點咗 特製六三六拉麵 , 因為太肚餓啦~~ 麵比香港拉麵店爽好多,有油香,湯底好濃,好夠料,好好味。味濃但係你唔會覺得係好鹹,係好味!

不過呢間最出名係沾麵,下次嚟要試下!


麺や六三六 大須店

地址 名古屋市中区大須3-30-32 (近地下鐵上前津站)

本身去名古屋有個目的係去睇櫻花,心諗大板都仲開緊名古屋應該仲有得睇下。搭地鐵去咗 山崎川四季之道,瑞穗區役所站落車。去就就發現,已經開完了=.=全綠的。係地鐵站附近仲有幾棵……

好啦,返去行下名鐵百貨店啦。去旅行一定要去行超市,嚟到名古屋都唔例外,但係我發現同香港有70%相似@@。好似去咗行執靚咗的百佳一樣,不過價錢都同香港唔同了。買個便當平的有七百幾yen 但係自己買餸煮,隨時都要呢個價錢!

一棵菜都買百幾yen,買肉有幾百yen,仲要計埋米飯等等,不如直接買個便當返去食算啦@@

另外,係名鐵百貨附近就有one piece 專門店啦! (同行旅伴係one piece fans ar)

地點 愛知県名古屋市中村区名駅1-2-2 近鉄パッセ 8F

係fans 就去下啦!!!!!

最後去埋綠洲21 影下相,本身對呢個景點無乜寄望,只係上網揾到又有時間就去下啦!

不過係上面影相都唔錯,有驚喜!

第二日行程

Hotel Wing International Select Nagoya Sakae -- > 名古屋城 (地下鐵去巿役所站) -- > 大須觀音 (大須觀音站) -- > 大須商店街 -- > 麺や六三六 大須店 -- > 山崎川四季之道 (地下鐵 瑞穗區役所站) -- > 名鐵百貨店 -- > 綠洲21

https://drive.google.com/open?id=1oKgCTjCybo573l4LIqyWRrZvjBnFIAnK&usp=sharing

0 views0 comments

Recent Posts

See All
  • White Facebook Icon

Facebook

  • White Instagram Icon

Instagram

About Me

自從2015年的一次獨遊,感受到世界很大,世界各地都有著不同的人,不同的故事,不同的風景。反思畢業後只記掛工作,每日都埋頭苦幹到晚上或者凌晨,失去了人生。

 

Read More

 

Subscribe Me!
  • White Facebook Icon

© 2018 Proudly created by Timson