DAY 3 日本 名古屋 上高山 開始食牛之旅!!

Updated: Jun 5, 2018


完咗名古屋(其實之後會返嚟) 係時候到旅行重點所在-------上高山啦!!!!!!!!!

去搭名鐵巴士,用昇龍道套票換車票,之後就搭咗超過兩個半小時的巴士,去到高山 濃飛巴士總站啦!!!!!


當然係第一時去高山老街食嘢啦!!!!!!!高山最出名係飛驒牛!!!!

一去到見到有好多人排隊,就走去試下飛驒牛壽司先!!!!!!

我叫咗三種盛壽司,竹炭鹽、薑醬油及軍艦壽司各一件 (1000 yen)

食完之後......又唔可話難食,又唔可以話好好味。

牛味係好勁,但又唔係入口即溶。竹炭鹽比較原汁原味,薑醬油多一層口感,軍艦壽司上面仲有隻蛋,味道就太濃了......

如果鐘意食生牛應該會好鐘意😂😂😂😂

不過之後食嘅飛驒牛就好好,下篇會講

BTW, 壽司下個仙貝好好食😊

店名 飛驒こって牛

34, 上三之町 Takayama, Gifu Prefecture, 日本

食完個好失望的飛驒牛壽司,即刻要去揾其他嘢食補返數先。

係飛驒牛壽司附近就有好多賣飛驒牛包的鋪頭。是但入一間 飛驒工房 右衞門,買咗個牛肉包。好食過牛壽司好多。咬開有個樣有D似咖哩包,但係好有牛肉味,仲要有牛肉香,食到落個口都好香。D牛肉係熟咗,但係唔難咬,我咬佢仲易咬牛壽司上面舊飛驒牛囉。佢應仲落咗好多料,但係我真食唔出啦😊😊😊😊 430 yen 一個

(間鋪我係google map 都揾唔到LOL)

之後仲正,食咗牛肉串,又係是但揾間就食。呢間只係賣紀念品前有個小鋪口賣下牛肉串等小食,但係就成為咗係高山最好味的一串。我同朋友叫咗 飛驒牛霜降 ,每人一串。一串500yen 揸。串牛肉一燒出嚟都已經滴緊汁,香到呢,你係隔離鋪都聞到。一咬,真係入口即溶,仲勁多汁。佢又唔係燒到熟哂,但D肉又唔老嗰下先勁。基本上個個都係食嘢,無人行入去買紀念品😊😊😊 老闆娘會唔會好心痛@@@@@


店名 じゅげむ

地址72 Kamisannomachi, 上三之町 Takayama-shi, Gifu-ken 506-0846日本

食完嘢,四周圍行下啦,禁早入平湯都無嘢做啦。除咗嘢食,仲有好多賣精品的店鋪。

好多都係同食有關,最令我驚訝的係飛驒牛咖哩,究竟裡面係乜嚟????

行入去精品店感覺好舒服,人唔係話好多。D精品睇得出日本人做事真係好有心機,每樣手工都好精緻。

好啦仲有好多時間,我望到好遠有櫻花就一路係禁行。行咗我諗都有廿分鐘,已經完全離開咗古街,終於比我見到一小遍櫻花海啦。位置係 宮前橋 過小小。

好感動,我本身嚟日本其中一個目的就係為咗影櫻花,點知名古屋已經無乜得剩,上到嚟竟然都仲見到,好開心啊!!!!

同時因為落大雨,加速腳步去返濃飛巴士站,搭巴士去平湯LU。


去高山食完小小嘢, 就入平湯啦!!!

同樣用昇龍道車票, 落車show 比個司機睇就唔洗比錢。由高山入去平温都要一小時,一路入去同行旅伴有D淆底,因為佢見到落雪啦!!!!!!其實全部行程都係我一個人plan 哂,佢連會落雪都唔知,好彩我一提佢好多次要買羽絨!!!因為上到山可能會好凍!!!

我哋去到平湯嗰日好似得2度,雖然落好似好靚,但係D雪打係個身上再成水就變到好濕,對鞋入哂水……好彩平湯唔係好大,由平湯巴士站行十分鐘都去到温泉旅館。

間温泉旅店真係好正啊!!!!!!!間房好大,我懷疑自己係唔係book 錯房……間房比四個人住都夠啦!!!

一行到去成身濕哂,好想沖涼,不如浸埋温泉啦!!!!我同朋友都係第一次浸温泉!!!好期待!!!

果然無令我哋失望!!!!

我哋雖然無加錢浸私人温泉,但係唔洗加錢的公眾温泉都有好正。都有戶外同室內。

一入去就發現無人!!!!!得我同我朋友!!!!兩個浸哂😊😊😊😊

一行出去戶外温泉真係正到暈!!!!!睇住雪景浸個feel 一流!!!!所有嘢都好配合!!!出發前仲擔心落雪會唔會影響行程,依家就好感恩有雪落LU!!!! 旅店介紹之後再講!!

PS: 張相係我朋友影,不過大家記住其實係唔可以帶手機或相機入去……因為成個場得我同我朋友兩個佢先禁大膽拎部電話出嚟影……


入住旅店 穗高莊山之湯 (穗高莊 山がの湯)

地址 〒506-1433 岐阜県高山市奥飛騨温泉郷平湯


第三日行程

名鉄名古屋站 -- > 高山 濃飛巴士總站 -- > 高山老街 -- > 飛驒こって牛 -- > じゅげむ -- > 宮前橋 -- > 平湯巴士站 -- > 穗高莊山之湯

https://drive.google.com/open?id=1oKgCTjCybo573l4LIqyWRrZvjBnFIAnK&usp=sharing

  • White Facebook Icon

Facebook

  • White Instagram Icon

Instagram

About Me

自從2015年的一次獨遊,感受到世界很大,世界各地都有著不同的人,不同的故事,不同的風景。反思畢業後只記掛工作,每日都埋頭苦幹到晚上或者凌晨,失去了人生。

 

Read More

 

Subscribe Me!
  • White Facebook Icon

© 2018 Proudly created by Timson