Day 3 3月4日 袖珍博物館 象山

Updated: Jun 8, 2018


第三日準備要去的景點唔多,其中一個係袖珍博物館,係捷運松江南京站落車行十五分鐘到

入場要200 台幣 (成人) 有D貴

不過內裡的展品真係好仔細,比實物細好多,但係好多位都做得好detail

一花一草,鋼琴上的樂譜,蛋糕上的每一粒草莓,便當內的每粒飯 等等。

好強,好仔細,要好有耐性先可以做到。

個遺跡先勁,連D碎片都好做到出嚟,成個場景都情現哂出嚟,好強啊……

另外行完個博物館出嚟有商店,可以比你買模型返去砌,仲有好多袖珍產品。

好想買返去砌@@@@@@@


10491台灣台北市中山區建國北路一段96號

https://goo.gl/maps/HARMgKVTECL2

去完袖珍博物館,搭捷運去好多好嘢食的東門站,本身諗住食永食牛肉麵

但係途中有好多引誘,灶紅了--知高飯。可能我係電視上睇過但無食過,好好奇就入咗去食。

豬肉好淋,成個飯都唔乾。我仲加咗個雞湯,個湯仲正過個飯。

好有雞味!雖然見到表面有油,但係成個湯好清,好明顯係雞油嚟!好食!


地址 台灣台北巿大安區永康街6巷13號1樓號

https://goo.gl/maps/GnR1E1WdEm62

之後一路要向象山出發,不過太早啦,有D曬。途中都係要休息下先。

係大安森林公園站落車,休息下先啦。個公園好大,人多但唔覺得迫,不過好熱。

https://goo.gl/maps/Yr1rL9igeS42

之後再搭車到象山站,行下象山!

象山唔算難行,全石級。係好多家庭週日合家歡活動,今日好多人行啊。

不過落雨就真係小心D,落山石級會好滑。同埋象山有D斜,落山要小心。

如果好天氣,山上望去象山附近的巿鎮都幾靚嫁。


行完山,是但去西門町揾小小嘢食就完咗啦今日啦!行完山好累啊!


0 views0 comments