平湯完咗就返高山再駁車去世界遺產白川鄉啦!!!
去到白川鄉都已經下午兩點左右，仲要落雨!!!
不過都上咗去城跡展望台，呢個係重要打咭位@@ 好多人都嚟呢個位影相!
無哂雪的白川鄉，可以睇到白川鄉真實一面。鄉村古舊建築，無咗白雪，別有一番感覺。
不過，人真係太多啦！一車一車旅行團上嚟，普通話同廣東話不停傳入我耳，好煩啊！
落返去合掌村行，除咗店鋪職員係日本人，全部都係中國人或香港人……
D 日本人去哂邊，會唔會係覺得太煩唔出嚟，定係白川鄉只係旅遊景點，依家已經無人住啊~？
去完呢個景點好內疚，好似為咗旅遊放棄咗成條村，唔想再嚟啦！你比返條村日本人啦！
一路行去合掌村都有好多類似博物館之類的屋子，神田家、長瀨家、明善寺等等
全部都要比錢入。我一間都無入到，落雨真係做乜都無心機，只係想快D返旅店。
都仲有少量櫻花比我睇下啦！
好啦，返旅店啦。我住白川鄉之湯。係好有歷史的旅館，好傳統。不過我覺得平湯正好多。之後先出旅店分享。