【遊記】Day 2 11月18日 日本 竈門神社 御船山樂園 睇紅葉


山本旅館一早起床,就拖住行李出發。行出旅館之時同山本旅館養的狗玩,都忘記咗要趕時間,趕新幹線。

快速去到博多站售票處,換張北九州JR鐵路票先,如果唔係要洗好多錢。

在我前面的兩位講國語的遊客,不知道為何用上了二十分鐘也取不了鐵路票,我們到售票處的時間還未到九點,但九點三十分先到counter換票,而我只用了少於十分鐘票了就換到XD

究竟兩位國語遊客點解要用那麼長的時間?????

浪費了好多時間,已經九點四十分了,但也要解決早餐問題。快速到售票處對面買兩個飯團然後去搭新幹線—去新鳥栖站。

嗱,點解去新鳥栖???事實係早一晚發現計劃行程有錯漏,check out 咗但之後兩個紅葉景點,難道拖行李去看紅葉……好彩我揾到新鳥栖站有行李寄存櫃,如果可以在新鳥栖站可以行李寄存成功,就可以方便去兩個紅葉點以及之後去佐賀了。

好幸運,去到新鳥栖,真係有兩個最大的行李寄存櫃空了,如果唔係就要拖行李睇紅葉。

不過不幸事件即將發生……

之後要去竈門神社,要去JR太宰府站,要由新鳥栖到鳥栖站,再轉JR鹿兒島線到二日巿站,行去西鉄 紫站,再搭西鉄去太宰府站XD

好亂啊!!!!!要不停轉車!!由新鳥栖到鳥栖,只有一個站,但朋友都要不停影相,到落車轉JR鹿兒島線,上車之後朋友發,相機呢?????!!!!!!

SHIT…………漏咗係新鳥栖到鳥栖的車上………雖然朋友有兩部相機,一係單反,一係菲林相機(佢自己話值幾百蚊),遺留了的是菲林機而唔係最貴重的單反,但佢都十分傷心了……

不過都要繼續行程,轉咗好多程車終於到太宰府站了,好多國語啊,好多人啊!因為太宰府站附近的天滿宮已經是景點之一,不過太多人,我哋唔去啦,去竈門神社啦。JR不能到達,只好坐巴士/公車了。一去到車站,看顯示器差2分鐘就到,之後顯示要遟2分鐘,之後4分鐘,之後6分鐘……玩咩!

幸好之後有職員通知,現在開臨時車往返太宰府站及竈門神社,太好了!不過一路上都塞滿車……都好多人去。

一到竈門神社,嘩……見到枯樹啊XD,一行入去就見到門口幾棵樹枯了,無哂葉XD

好彩再行入D就見到有紅葉,唔係太多都好滿夠了,因為對上一次看紅葉已經係元朗大棠道了=.= 相對天滿宮少人,但到神社前都排隊求福。一路上見唔到一片紅海,但紅綠加上橙黃色的風景都很吸引。

回到太宰府站,搭西鉄然後JR 返新鳥栖站攞行李(十萬個感欣有行李寄存櫃) 搭車去佐賀站。到佐賀站,去旅店放行李先,今次旅店超近JR 站,一分鐘就到啦!

已經下午五點幾了,放下行李即刻搭JR 到武雄温泉站再轉巴士到御船山樂園,已經六點半了。

一落車黑哂,以為去錯地點,睇到御船山樂園個牌先知自己去啱地方,原來有免費巴士係JR 站出發不過同巴士站禁啱係唔同出口……唔緊要啦!

御船山樂園其實好多本地人去,不過地方好大,唔覺得逼。不過紅葉……其實無想像中禁誇張,好多都未紅,或者被樹下的射燈照射而變色。湖畔又綠又紅的樹葉加上湖上的倒影,其實都幾靚,不需要一片紅海先叫靚。樂園其實好大,要邊行邊影相可能三四個小時都行唔完XD

小編不才,影唔到靚相,相機又無電,依賴部電話影……如果有相機長曝光,會影到好靚!越夜越冷,開始頂唔到,先知道原來九點幾,還未食晚飯……

回到佐賀,十點啦!!!好多食店都收哂,係google map 幫助下先有幾間食店,最後食咗拉麵店-- ふくの家 愛敬店。營業時間係11am-5am XD,好長啊!

老實說,間店無特別之處,拉麵OK,又未去到要推介,開到凌晨應該係為咗比收夜的打工仔有嘢食。玩到太夜,無餐廳可以去此店食。

店名: ふくの家 愛敬店

地址: 〒840-0812 佐賀県佐賀市愛敬町11−15


IG: www.instagram.com/timson626

Website: https://www.timson-travel.com/

Facebook: https://www.facebook.com/timsontravel/

#Japan #日本 #福岡 #竈門神社 #宝滿宮 #不幸的一日 #紅葉 #佐賀 #御船山樂園


第二日行程

山本旅館-->去光禪寺-->宝滿宮竈門神社-->佐賀站-->東橫INN-->武雄温泉站-->御船山樂園-->東橫INN

https://drive.google.com/open?id=1ugD0GN2jKPNzuDiBjfB4G0jNpBz9z2ny&usp=sharing

  • White Facebook Icon

Facebook

  • White Instagram Icon

Instagram

About Me

自從2015年的一次獨遊,感受到世界很大,世界各地都有著不同的人,不同的故事,不同的風景。反思畢業後只記掛工作,每日都埋頭苦幹到晚上或者凌晨,失去了人生。

 

Read More

 

Subscribe Me!
  • White Facebook Icon

© 2018 Proudly created by Timson