DAY 11
2017年9月20日 墨爾本 (旅程最後一日啦)
最後一日，其實無乜plan 去邊，只係想係墨爾本巿內行下。
去下好似係地標之一的聖保羅座堂睇下先，又一間好宏偉的大教堂，又帶有一種古舊的感覺，有歷史味道又不失霸氣。入到去入面仲宏偉，不過唔好影相，好唔尊重，要睇自己去啦。
之後去咗係香港都唔去得多的圖書館，全名係維多利亞州立圖書館，大到我覺得唔係一間圖書館！
又展覽廳又自修，仲有鋪頭賣書，有個好似讀大學禁大的lecture hall 痴線，真係圖書館嚟?!
最神奇係，好多人都同我一樣企係門口等開門，真係有禁多人鐘意睇書@@@@@@@ (有人係衝入去嫁………)
去完教堂同圖書館，真係好凍啊……不過都即刻揾下有無其他位置好去，最後揀咗去動物園!!!!!!!!!!!!
墨爾本好似有唔只一個動物園，我揀咗最近墨爾本巿中心的一個The Melbourne zoo。
由southern cross station搭火車去royal park station，都係廿分鐘，好近揸!!
動物園係一家大細好啱去的好地方，呢個動物園都唔例外，好多動物睇啊!!!
其實同香港都唔係差好遠，係大好多同多好多動物睇。不過我特別想講下。大嘴鷗。其實都唔係第一次見到，係悉尼魚巿場到都見過，真係好恐怖啊!!!!!!!!!!!!!
隻眼好大………大得好嚇人，好恐怖啊…………估唔到係動物園都仲見到佢………可以好近距離就見到長頸鹿同大笨象已經好滿足了。
去完動物園返到墨爾本中心，幫朋友揾埋手信。依家先六點幾，返香港班機凌晨十二點先飛……禁多個鐘做乜好……
禁啱隔離就係H&M outlet 入去睇先!!!!!!!!!!唔入都唔知，外國outlet 係禁，都係嗰句fashion 嘅嘢你識條鐵咩！
一入去就有十個聖鬥士做侍衛@@ 有十個禁樣的公仔係門口，你都咪話唔驚………好有撞鬼的感覺………除咗門口嗰十個，內面仲有好多士兵………
七姐妹有埋眼係好鬼死恐怖@@ 仲有幾個追擊手坐係千秋到……係乜嘢design 嚟………
outlet 真係好大，有三層，仲有升降機比埋你……不過人唔係好多……
老實講，呢個設計揾鬼入咩……
結果一件嘢都無買到就走咗啦！之後去機場，check in 返香港lu……
個旅程終於都完咗，未試過一個去禁遠
未試過一個人搭九個鐘長途
未試過去澳洲
未試過十幾日都講英文
未試過中途轉hostal
未試過成個旅程都失眠……
哈哈，好多嘢未試過，之後會繼續去旅行!!!!
最後一日行程
Miami Hotel Melbourne -- > 搭免費電車 Victoria Market 站 -- > 聖保羅座堂 -- > 搭電車去維多利亞州立圖書館 -- > 搭電車去southern cross station -- > royal park station -- > melbourne zoo -- > 返去southern cross station -- > 免費電車去 H&M outlet
